Monday, September 26, 2022

पहाड़ू की पनचक्की(घट)...







डीजल-बिजली की चक्की खैगे ,

ग्यौं-जौ पिसायांकु भग्वाड सारू,

'रौली' नीस पाणिं मा नाचदि रै,

अर ऐंच, खौल्यूं रैगी घट बिचारू।


अचाणंचक बतेरा बेबस बणिगैन  

दुर्गति की ईं कलजुगी दौड़ मा,

मुण्ड रेची कैन श्रीनगरै स्वसैटी मा,

त कैन,डेली-मोड्ल्ला क्ल्यासौड़ मा।


दौंण लीकी क्वी नि आई, ईबारी

ग्यौं-जौ पिसौणौं कु गाड-धारू,

'रौली' नीस पाणी मा नाचडिकी रै,

अर, ऐंच खौल्यूं रैगी घट बिचारू।

No comments:

Post a Comment