अतिक्रमण करीक सड़की दबैन,
हे अपणी मैड्या मण्सु तुमुन।
घट्ट-जान्द्रा सुददी सूखा रिंङ्गैन,
हे अपणी मैड्या मण्सु तुमुन।।
हळ्या,बल्दु क्वी खुराक नी पिलैई,
हल्सुंग,नसुडा पर सेवाकर लगैई।
मेट्या-कुठ्या नाज मा जोळ चलैन,
हे अपणी मैड्या मण्सु तुमुन।।
ग्राम-सड़क योजना, मनरेगा खाई,
उखड़ी पुङ्गडु काग्जु मा सेरु दिखाई।
लूटी-लूटीक अपणा घौर बणैन,
हे अपणी मैड्या मण्सु तुमुन।।
चून्दा कूड़ो परै तुमुन चलैन स्कूल,
गाड़ बिटिकी धैड़ा ल्हीगे कूल,
गोरु-बाछ्ला ओबरौं प्यासा अणैन,
हे अपणी मैड्या मण्सु तुमुन।।
गरीब की तुम काटणा छा धौण।
अपणा त दिल्ली,देरादोंण खड़ेन,
हे अपणी मैड्या मण्सु तुमुन।।
जनता कु पैसा अप्णा बॊञ्ज दबाई,
दिन-दोफरा तुमुन यू मुल्क चबाई।
शरम-लाज सब्बी बेचीक खैन,
हे अपणी मैड्या मण्सु तुमुन।।
दिन-दोफरा तुमुन यू मुल्क चबाई।
शरम-लाज सब्बी बेचीक खैन,
हे अपणी मैड्या मण्सु तुमुन।।
No comments:
Post a Comment