Tuesday, June 9, 2009

गोंद्ग्या सासु, चटोरी ब्वारी !

उतराखंड कु जिला टिहरी, पट्टी सेरा,
अर् गौं कु नौ छौ धारी,
गौं माँ रन्दि छै एक गोंद्ग्या सासु,
अर् वींकी एक चटोरी ब्वारी

गोंद्ग्या सासु इन छै कि जख मिली,
वीं तै गोन्दगी, खाण कु,
वै घर मा स्या पसरी जांदी,
नौ नि लेंदी छै जाण कू

अर् ब्वारी इन चटोरी छै कि,
कोश्डी परौ भी लोण,
आंग्लीन चाटण, जती दा भी,
वींन भैर-भीतर औण

नौनु छुट्टी घौर आई,
बुबा कोरी रोट्टी खांदू पाई,
पूछी वेंन बबा तै,
कि ब्वारीन तुमतै दाल नी दयाई

बुबान नौना तै बोली बबा,
सासू कु नौ च उछिना, अर् ब्वारी कु बिछना,
गौं मकै यौक बाँट हड्गी लै छौ,
अर् खांदी दा कुछ ना !!!!

( त यी हाल छा वूँ द्वी गोंद्ग्या और चटोरी सासु-ब्वारीयों का, वूँन वा एक बाँट मीट बाणोउन्दी दा ही चटके दिनी )

2 comments:

  1. kya cha yah !!!!
    kuch samj ni aaondu.

    ReplyDelete
  2. yu dekhi ki bahut khusi huni cha ki aapal hamri pahadi lokbasha ku prachar prasar krna khuni bahut badiya pryas kriun cha.

    ReplyDelete