Monday, March 21, 2011

नई बौजी !












चांदण साजी चौक-गुठ्यारा,
लड़ी निम्दारी मा चम्-चम,
नई बौजी आई घौर हमरा,
ढोल बाज्या ढम-ढम !

चूड़ियों कू छणमणाट गूंजी,
रुस्याडा, बगली, बौंड-ओबरा,
पैजेबी का घुँघुरु बाज्या,
खोली-डिंडाली छम-छम !
नई बौजी आई घौर हमरा,
ढोल बाज्या ढम-ढम.... !!


घूं-घूं जान्द्री घूमी,
परेडू नाची घर्र-घर्र,
उर्ख्याला गंज्याली बाजी,
ब्यान्स्री मा घम-घम !
नई बौजी आई घौर हमरा,
ढोल बाज्या ढम-ढम.... !!

पंदेरा खिख्लाट मची,
पुंगड़ियों मा खिख्ताट,
ख़त्म ह्वाई बग्वाल तब ,
जब भैजी पैटी ठम-ठम !
नई बौजी आई घौर हमरा,
ढोल बाज्या ढम-ढम.... !!

ह्युंद माँ चौमास छाई,
बरखा आई झम-झम,
बौजी खुदेण बैठी, अर
आंखी ह्वाई नम-नम !
नई बौजी आई घौर हमरा,
ढोल बाज्या ढम-ढम.... !!

छवि गुगुल से साभार !

2 comments:

  1. चित्र बहुत पसंद आया मुटियार का ओर यह नथ बहुत पहले पंजाब मे भी पहनाते थे नयी मुटियार को(दुलहन) को, कविता भी व्याह शादी के मोके की लगती हे जो बेंड बाजा बज रहा हे

    ReplyDelete
  2. नई बौजी की ढेर सारी बधाई|

    ReplyDelete