यूं परैं इनु लगी बथों
फैशनौ कु, मन्ख्यों की
कुछ नी रैगि अब पछ्याण च,
फैशनौ कु, मन्ख्यों की
कुछ नी रैगि अब पछ्याण च,
बिन बच्ळाया त
इन्भी पता नि चल्दु
इन्भी पता नि चल्दु
कि ई कजै च या कज्यांण च।
बॉबकट,बैल्बौटम,
जींस,कैफ्री,टी-शर्ट,
जींस,कैफ्री,टी-शर्ट,
सब्बु की छन वी इखारी थेक्ली,
पक्यां आमु मा सी तौङ्गु हिट्णु
तब देखा, जब तौं परै जू कैन देखिली।
तब देखा, जब तौं परै जू कैन देखिली।
इनुच खाण-पकौण कु तौंकू सगोर ,
खाणौ मा औंदी कच्यांण च,
यूं परैं इनु लगी बथों
फैशनौ कु, मन्ख्यों की
कुछ नी रैगि अब पछ्याण च !
फैशनौ कु, मन्ख्यों की
कुछ नी रैगि अब पछ्याण च !
काम का नौ पर हौड नी फर्कण
घौर मा चौका-पोचा कु रखीं मेड,
देह डिल-डौल न हो डाइटिंग चल्दी,
अर खाणौ मा सब्बी धाणी रेडीमेड।
दाळ-रोटी-काफ्ली त कैन खांण,
हौट डॉग, बर्गर,पीजा मा पराण च,
यूं परैं इनु लगी बथों
फैशनौ कु, मन्ख्यों की
कुछ नी रैगि अब पछ्याण च।
फैशनौ कु, मन्ख्यों की
कुछ नी रैगि अब पछ्याण च।
No comments:
Post a Comment